1- هل الاختبارات شرط للقبول؟
الاختبارات مهمه جداً ولازم تتعمل ومن غيرها الطالب مش هيدخل الكليه حتى لو جايب المجموع
2- هل كل الطلاب هتعمل الاختبارات؟
الطلبه الي طلعلها كود ورقم سري بس يعني من ٧٥٪ وطالع
3- طب انا جايب ٧٤.٩٪ ينفع اعمل التماس وأقدم؟
لا
4- هنسجل ازاي؟
على الموقع بالرقم القومي
5- انا معهد صحي ولسا النتيجه مظهرتش ومش معايا كود ولا رقم سري هعرف اسجل؟
لا.. لازم الكود والرقم السري كلموا المعهد يطلعولكم
6- الاختبارات هتفتح امتى؟
يوم السبت 18- 9 الي
يوم الاتنين 20 – 9
وممكن يتمد
7- طب لو ملحقتش ليا فرصه تانيه؟
لا هم التلات ايام دول والموقع هيقفل
8- هنعمل الاختبارات فين؟
في مقر الكليه
9- هعمل في كلية واحده ولا كله؟
كليه واحده بس وهي كلية محافظتك
10- انا مش عارف محافظتي اي هعرف ازاي؟
اما تسجل على الموقع هيظهرلك الكليه الي هتعمل فيها
11- طب معنى كده ان التنسيق إقليمي عشان هعمل في كليه واحده؟
لا التنسيق جغرافي هم عملوا كده تسهيلاً عليكم
12- لو اتقبلت في كلية تانيه هعمل الاختبارات تاني.؟
لا هي مره واحده بس ولو روحت كليه تانيه مش هتعملها تاني انت اتسجلت على الموقع انك اجتزت خلاص
13- سعر الاختبارات كام؟
٤٥٠ ج
14- انا جايب كذا اقدم ولا اوفر فلوس القدرات؟
السنه الي فاتت كان الحد الأدنى ٩٢٪ ممكن عشان القدرات ينزل عشان في ناس مش بتعرف او ناس بتقول مش هقبل ف لغاية ٨٥٪ يعمل اقل من كده انصحه ميعملش لان التنسيق مستحيل ينزل عنه كده لانه جغرافي والهدف من الي بيعملوه هو لم الفلوس وبس لو أنت مش فارق معاك الفلوس اعمل وخلاص
15- الي ناوي يقدم ورقي يعملها؟
انا انصحكم تعملوها لأنها ممكن تكون شرط للقبول فلو ناوي على الورقي اعملها ومن ٧٥٪ وطالع برده
16- انا ممكن أسقط؟
الاختبارات روتينيه بس برده منستهونش بيها نسبه نجاح اختبارات القدرات في ثانويه العامه كانت ٩٥٪ فاطمنوا
17- اي الي نجهزوا للامتحان؟
فيزا والي معملش يروح يعمل بكره في اي بنك جامبه هياخدها وهو واقف ويفعلها بعدها بيوم، صورتين شخصيه، صوره البطاقه، استمارة التسجيل الإلكتروني
18- فين الموقع الي هنسجل عليه؟
التسجيل شغال حاليا
19- الكليات الخاصه ليها قدرات؟
لا
20- بعد ما نسجل هروح اعملها امتى؟
الموقع بيديك معاد بتروح فيه
21- هعرف منين اني نجحت او لا؟
من نفس الموقع برده